Murde kabhie zinda nahi hua karte aur maddey kabhi khatm nahi hua karte hain. Aaj subah jab 6 baje jab aankh khuli toh T.V. on tha aur Bob Wulmer ki mrityu ke paschat pahli baar subah ki pahli nazar ne chaunka diya ya kahen to dehla diya. beeti raat Delhi Police ke ddanwon ne RamLeela Maidaan par jo Taandav kiya usse na sirf Baba waran samucha Hindustaan aahat hua. Kya galti rahi Baba ki? Kahien ye to nahi ki wo Aankhon me gol chasma, Safed wastra va Gandhi Topi ki jagah sirf ek 'Gerue' va Bhagwa rang ke vesh mein ho ke Sanyasi kahllate hain ya phir ye ki aandolan karne se purv we ek Yog Guru kahlaae? Kabhi- Kabhi A.C. Cooler mein sone wala aadmi bhi parvash Raaston par Taazi hawa khaane nikal jaata hai iska matlab ye to nahi hai ki wah rraste par hi apna aashiyaana khara karne wala hai, phir 3 divaseey Andolan ka Aahwan karne wale Yogi Ramdev ko kis tarah logon ne Raajneeti ke Pravesh Kaksha ka darwaza khatkhatane wala chehra samajh liya. RamLeela Maidaan mein hue us Manawatasanhar ka Drishya to main Chalchitrit nahin kar sakta parantu itna to jarur kah sakta hun ki Sarkaar dari, Baba se naa sahi toh, maidaan mein umar rahi us Bheeshan Jansailab se aur uski Taaqat se kyonki Raat ko ek baje jab sabhi so rahe hote hain, koi samay nahin hota hai Satyagrah Daman ka. Kya Police Commissioner ko yah Khabar mili thi ki RamLeela Maidan mein Baba Ramdev koi Bear Bar chala rahen hain jo itni raat ko Karrvai jaruri thi.
Raat ko ye Dukhad ghatna aur din bhar ek se badhkar AArop-Pratyarop bhare Bayaan. Is Ravivaar ke maje ko duba ke rakh diya. 3 June ki shaam ko maine Baba ke is Faisle par Facebook par Comment kiya tha ki " baba ka ye kadam Desh mein Ek nayeen Zidd ko janm degaa," Mujhe pata nahin tha ki ye saarthak bhi hoga aur ho gaya. B.J.P. Raajghat par 24 ghante Bhookhi rahegi toh 8 june se "Anshan Nayak ANNA HAZARE" 24 ghante ann tyaagane wale hain aur kain jagah ye sab hone wala hai aur hote rahenge. Is desh ko aadat hai Chalan ko Prachalan banane ki aur prachalan ko Sanskriti. Isi baat ka darr hai kyonki Anna ke waqt Sarkaar bebas rahi thi, Raamdev ke waqt Majboor, Agli baar shayad nahi hogi kyonki Sarkaar Kamjor nahi,Kaamchor hai use ek Formula chahiye tha so mil gaya. Galat Sarkaar bhi nahi Aur na hi Baba bhole hain, Firing donon ore se hui, bas Sarkaar ki firing me Prabhutva tha isliye ZAmeer ko ghayal kar gayi aur Aansoo chhoot gaye jiske aar mei woh Strivesh mein lipte Baba ki chalak guhaar se bhari firing unke hi samarthakon par chal gayi.
Intezaar rahega bhavishya ka ki ye Satyagrah ek Yogguru se kitne aur Aasan karwaega. Kahin aisa na ho ki Sabhi Aasno mein kushal Baba to bach jaen, Parantu Samaaj 'Garurasan ' mein phans jae aur phir desh ka bhavishya Shavasan mein. Agar aisa hua to phir Cancer ke ekmev Upcharak aur Vishwa ke ubharte Prashasak ka dwandwa unke Prashasan ko hi nagal jaega, Khair yah to Leela hai , Logon ki aadat hai wo ni jaane bas is Chalan ko Sanskriti na banane de Warna Annapurna Mata wale desh ke anaaj Niryaat karne padenge aur Satyagrahi Aayat.
Raat ko ye Dukhad ghatna aur din bhar ek se badhkar AArop-Pratyarop bhare Bayaan. Is Ravivaar ke maje ko duba ke rakh diya. 3 June ki shaam ko maine Baba ke is Faisle par Facebook par Comment kiya tha ki " baba ka ye kadam Desh mein Ek nayeen Zidd ko janm degaa," Mujhe pata nahin tha ki ye saarthak bhi hoga aur ho gaya. B.J.P. Raajghat par 24 ghante Bhookhi rahegi toh 8 june se "Anshan Nayak ANNA HAZARE" 24 ghante ann tyaagane wale hain aur kain jagah ye sab hone wala hai aur hote rahenge. Is desh ko aadat hai Chalan ko Prachalan banane ki aur prachalan ko Sanskriti. Isi baat ka darr hai kyonki Anna ke waqt Sarkaar bebas rahi thi, Raamdev ke waqt Majboor, Agli baar shayad nahi hogi kyonki Sarkaar Kamjor nahi,Kaamchor hai use ek Formula chahiye tha so mil gaya. Galat Sarkaar bhi nahi Aur na hi Baba bhole hain, Firing donon ore se hui, bas Sarkaar ki firing me Prabhutva tha isliye ZAmeer ko ghayal kar gayi aur Aansoo chhoot gaye jiske aar mei woh Strivesh mein lipte Baba ki chalak guhaar se bhari firing unke hi samarthakon par chal gayi.
Intezaar rahega bhavishya ka ki ye Satyagrah ek Yogguru se kitne aur Aasan karwaega. Kahin aisa na ho ki Sabhi Aasno mein kushal Baba to bach jaen, Parantu Samaaj 'Garurasan ' mein phans jae aur phir desh ka bhavishya Shavasan mein. Agar aisa hua to phir Cancer ke ekmev Upcharak aur Vishwa ke ubharte Prashasak ka dwandwa unke Prashasan ko hi nagal jaega, Khair yah to Leela hai , Logon ki aadat hai wo ni jaane bas is Chalan ko Sanskriti na banane de Warna Annapurna Mata wale desh ke anaaj Niryaat karne padenge aur Satyagrahi Aayat.
कोई टिप्पणी नहीं:
एक टिप्पणी भेजें