परिवर्तन से परे

Yeh Koyle Ki AAg Hai!!!

- Ankit Jha

‘Yeh Koyle ki aag hai bloodyfool! Itni asani se nahin bujhti hai’ Aaj bhi Amrish Puri ki khunkhar aawaz mein bola gaya ye samwaad jab kaan mein parta hai toh ek Yatharth prakat ho jata hai. Ek pramanit satya hai ki Koyle mein lagi aag itni asani se nahin bujhti, laptein kam ho jaye par wah Sulagti wa Dahakti rehti hai, Lal, Nirantar, Kai der tak…..

            Pataa nahin, Bramha Satya hamaare Rajneeti ki pehchan kyon ban gayi hain. Pichle do saptaah mein jis mudde ne desh ki shant ‘Mudda Bazaar’ ko garama kar rakha hai wah hai Koyla Khadaan Vitaran par ‘Niyantrak wa Mahalekha Pradhikarak’ (CAG) ki report. Is report ne samuche desh ko garama ke rakha hai. Din tha 17 August ka, Swatantrata Diwas k ek din bad ka. Jab CAG ne sadan mein apni report rakhi jisme kuch mahino poorva Sarkaar par Koyla Khadaan Awantan mein huye Mahaghotale ki baat kahi gayi thi. Report pesh hui aur report ke sath samne aaayi desh ke ek aur Mahaghotale ka sach. Kahte hain Sach karwa hota hai, Karwahat mein darasal ek Dahak hoti hai aur wahi dahek samuche sadan mein chha gayi.  Kahte hain Vipaksh ko aise hi aag ki pratiksha rahti hai ki who us par Roti senk sake. Yeh roti senkana Vipaksha ka dharma bhi hai aur Karma bhi. Geeta mein dharma ke Raksharth wa Karma ke Ruparth rahne ki baat rahne ki baat kahi gayi hai. Yeh ghotala pramanit kiya gaya hai poore 1.86 Lac Crore ka. Raja wa Kalmari ke ghotalon se bhi Bara wa Bhayawah. Is aarop ko sattadhariyon ne sire se naqaar diya. Na keh dene se shaq samapt nahin hota. Vipaksh ne Pradhanmantri, jo tatkalin Koyla Mantralaya ka Karyabhar bhi SAmbhal rahe the, se istife ki maang kar di. Ek ek kar baatein khulti gayin. Sadaa maun rahne wale hamaare pradhanmantri abhi bhi maun the, sada ki tarah, sthir, shithil, wa Maun. Unke pyaade bolte rahe. “Yadi Koyla Dharti Maa ki kokh mein surakdhit hai toh ghotala kaisa??” ye kehna hai VittaMantri P. Chindabaram ka. Sabhi netaon ne kuch na kuch kahaa.. Dhuaan sada wahin se nikalta hai jahaan Aag lagi ho. Ab toh us aag ki pramanikta bhi ujagar ho gayi hai wa Imaandaar Pradhanmantri ki majboor Beimaani bhi. Wah sadaa ki tarah shant hain aur vipaksha ke prashnao se ghire hue.  Wah jawaab dene ko taiyaar hue, Vipaksh sansad ki karyawahi nahi chalne de rahi hai. Teekhi bayanon ki baan hamare samaaj wa Garima ko nitya aahat kar rahi hai. Pradhanmantri kuch kehna chah rahe the, Kahaa. Who Somwaar ko Janta ko jawaab dene aaye, apna paksh rakhne aaye. Niji Companiyon ko khadan awantit karne ka dukhra suna gaye aur CAG report ko hi sawalon ke ghere mein khara karke chale gaye. “Hazaar Jawaabon se Acchi hai Khamoshi meri, Kain Sawalon ke aabru samete huye.” Wah! Aisa laha mano Salma Agha apne Priyatam se dhokha khan eke baad gham mein ghazal gaa rahi ho . ye jawaab, itne sawalon ko santushta nahin karta, Pradhanmantri ya kahein tatkalin Koyla Mantri ghotale ke sakshi the aur Karta bhi, phir yeh Parda kyun?

                                                                                Ghotale ke is daur mein yadi ek ghotala aur jur gaya toh kya bigad jaega? Sirf desh ghotalon ke naam par desh ko baddua de degi aur  phir chunav mein meethe wadon ki lassi hath mein utha lenge. Iska daur gujar chuka. Apne hath ka khel hai, jahaan muhar lagegi, wahin se badlaaw shuru  hoga. Warna is tarah ke ghotale desh ki garima ko dehkaate rahenge…..

Tum toh thahre Pardeshi,                                                                                                              Kitni Mulakaton ke baad.                                                                                                                Yeh ghotalon ke daag dhulenge                                                                                                      Na Jane kitni Barsaton ke baad.