Articlessss

Nirwastra Hoti Dharohar-2

‘Public samaan dekhati hai dukaan nahin, aur jab sharafat ke kapde utarte hain toh sabse jyada majaa bhi sharifon ko hi aata hai.’ Yeh samwaad pichhale saal pradarshit hui film ‘The Dirty Picture’ se hai. Iski nirmata Ekta Kapoor ka kehna hai ki 50 scenes kaatne ke baad bhi pata nahin kyon ise T.V. channels par pradsarshit nahin kiya jaa rahe hai. Sonchane ki baat hai, yadi 50 scenes kaatne ke baad bhi film pradarshit hone layak nahin toh use pahle kya hoga? Is lekh ke pichhale ank mein humne sangit ke malin hone ki vyatha suni thi, is ank mein hum apni us dharohar ke nagn wa nirwastra hone ki vyatha katha sunenge jise 1913 mein aayi film Raja Harishchandra’ se lekar 1932 ki ‘Alam Ara’ aura b pichali release Maximum tak sabhi filmon ne apnaya hai, Title, Plot Aur Dialogues… Parde par Kamottej kai varshon se chala aa raha hai, uske liye Censor Board ne alag grade tay kar diya hai. Ek samay tha jab koi bhi pratisthit aur bada sitara aisi filmon mein kaam nahin karna chahta tha, us grade ko Bollywood ka sharm kaha jata tha. Parantu aaj badalte yug ke sath bade-bade sitaare bhi is tarah ki filmon mein hath aajmate hain. Aaj ke darshakon ko kya chahiye? Har shukrawar ko kuch nya. Kuch naye ke sath kuch accha. Kahte hain Bhartiya darshak bhi ab Hollywood darshkon ki tarah paripakwa ho gaye hain wa The Reader jaisi filmon ka intezaar kar rahe hain. Paripakwa dimaag va chahat hamaari sanskriti ko badal nahin sakti aur nahi hamaare rishton ke samajh ko. Taaza udaharan lete hain- humne apne ghar mein Saas-Bahu ko ya toh Maa-beti ki tarah dekha hai ya toh phir do dushmanon ki tarah. Fir ‘Vicky Donor’ mein donon ka sath baithkar sharab pita dekhna achambhit hi karta hai. Humaare filmon ke naam bhi ab Hollywood ke filmon ke titles ko takkar deti hai. Jahaan Hollywood mein ‘Sex & the city’ hai toh humaare yahan bhi ‘Kaminey, The Dirty Picture’ jaise naam chalet hain. ‘Jism’ toh thik tha, ‘Jism2’ bhi aa rahi hain. Kya hamari sanskriti itni majboor ho gayi hai ki videshi gand ko bhartiya mehmaan baji ada ki jaa rahi hai. Videshi mudde, videshi kalakaar aur videshi bewkoofiyan jise humour ka naam dekar bhartiya darshakon ko ek film parosa jaa raha hai aur hum uska khoob lutf utha rahen hain. Antarjaal se lekar Mobile Phone aur T.V. se lekar Cinema gharon tak. Kya Bandini banane wale Roy sahib ne socha hoga ki bharat mein kabhi ‘Ragini MMS’ naam ki bhi fim banegi aur ‘Love Story’ banana wale Jubilee Kumar ne socha hoga ki  ‘Hate Story’ bhi banegi.Mahilaon par atyachar aur unke utthan ki dastan koi naya plot nahin hai par iske liye ‘The Dirty Picture’ aur ‘ Diary of a Butterfly’ ki jarurat nahin. Pichle varsh ek film mein ‘Male Prostitution’ arthat ‘purush vaishya’ ka mudda utha tha, iske poorva ‘samalaingikta’ aur ‘pre-marital relationships’ par bhi dheron filmein ban chuki hai. Hamaari 100 varshon ki dharohar nirantar nirvastra hoti jaa rahi hai. Yeh ek satya hai ki Ramayan va Puranon par har film nahin banyi jaa sakti par banana ke lliye deshnmein kai mudde taktaki lagaye dekh rahe hain taaki ek baar toh unka bhi uddhar ho jaye. E baar toh koi rangmanch ka rukh kare kain mudde milenge. Desh ke pustakalayon mein jaakar Gurudev, Premchand aur Sharatchand ko dhundho toh Othelo, Merchant of Venice shariken kai kritiyaan milengi. Poori deshi aur apni sanskriti ki maryaadon ke sath….